香港人都算係搬屋的常客。有啲租客或因租約期滿，每兩三年就會被逼搬一次，而且因為租金持續上升，大屋搬細屋極之常見。有啲就因家居或辦公室要裝修、升級，都需要搵地方暫時搬遷。遇著以上情況，就會有需要搵地方短期放置大型傢俬或雜物，諗起都幾頭痛。Boxful為大家提供一啲 短期儲存 貼士。
1）搬屋過渡期，迷你倉幫到手？
無論你係裝修或搬屋，需要搵地方暫時存放傢俬雜物，好多人第一時間就會諗租用迷你倉。提提大家，其實而家香港迷你倉可謂供不應求，你想臨急臨忙搵一個面積中小型嘅細倉，未必想有就有，想租短期往往就更加困難。
不過，有啲儲存服務公司就提供按面積計嘅迷你倉服務，最細可租用6平方呎，價格相宜。而且仲有12平方呎, 24平方呎, 36平方呎, 48平方呎等等。
其中12平方呎，其實已經夠空間俾你存放傢俱，或者多達20個紙皮箱！最適合短期儲存用途。
2）慎選儲存公司
雖然話係短期儲存，但好似衣物、家電、書籍及文件類雜物，如果儲存倉內潮濕悶熱，就算出面有包裝都冇用，短短一個月都可以出事：衣物發霉、家電生鏽、文件變色……所以，一定要選擇室內溫度和濕度都控制良好嘅儲存公司，唔好因為係短期儲存就掉以輕心。
3）入倉前要做好的幾件事
以上提及的服務，有關公司會有專人上門為你將傢俬雜物存倉，而唔使你自己搬來搬去。如果你想喺最細嘅空間內儲存到最多物品，咁就要在工作人員上門之前，先做好以下幾件事：
- 將你傢俱可以拆開的部分事先分解，並有系統地標籤零件，以便日後找尋及組合。
- 枱腳及櫈腳要用泡泡紙包好，避免刮壞。
- 記得將易碎物品嘅表面用泡泡紙紙包裹，而中空位置要塞滿廢紙，避免碰碎。
- 大型物件喺搬運時容易因拉扯令表面破裂，建議用包裝膜（俗稱「保鮮紙」）包住整個物件。
- 如傢具本身有櫃桶，裏面就能收藏小型物件，不要浪費空間。
4）你需要的Packing工具
- 泡泡紙
- Marker筆
- 舊毯子、棉被或浴巾
- 包裝膜（「保鮮紙」）
- 封箱膠紙
- 廢紙、舊報紙
Boxful作為儲存專家，同時提供儲存箱和迷你倉服務，無論你有長期或短期儲存需要，我哋都幫到你，馬上聯絡我們！
——
延伸閱讀：【過年 大掃除 ，唔想臨急抱佛腳？】馬上學習德國人「無意識打掃法」15式
延伸閱讀：【客廳太細，唔夠位擺嘢？】4招幫你增加 客廳收納 空間
緊貼Boxful Blog同Facebook Page，獲取更多家居生活貼士！