Blog 首頁 全部文章 【家長必讀】台灣收納達人于之琳教你 執玩具

【家長必讀】台灣收納達人于之琳教你 執玩具

Minger
【家長必讀】台灣收納達人于之琳教你 執玩具

又到聖誕,又係小朋友最開心嘅日子,因為一定會有新玩具進帳。但係當小朋友嘅玩具愈來愈多、放到愈來愈亂,作為家長一定好頭痛。早前台灣收納達人于之琳就專程到香港,向大家傳授「玩具收納大法」,大家不妨喺買玩具之前,先同子女一齊實踐一下 執玩具 !

關於執拾玩具,于之琳老師提出一個關鍵:唔同年齡嘅小朋友,收納玩具有不同重點。最緊要先掌握咗重點,再幫小朋友建立儲存系統,之後只要父母同子女堅持咁做,屋企就唔會再出現玩具四圍飛嘅情況。

0至2歲>用大膠箱裝玩具:未返學嘅小朋友唔會有太多玩具,而啲玩具通常都係大大件。父母只要用一兩個大膠箱,就可以放得晒所有玩具了。到佢1歲左右,父母可以開始叫小朋友幫手執玩具,同佢鬥快放啲玩具入箱,又或者話:「玩到攰,啲玩具要返屋企喇!」千祈唔好突然話夠鐘馬上收晒啲玩具。要培養一個收納嘅好氣氛。

3至6歲>開始分門別類:幼稚園嘅小朋友開始多玩具,用大膠箱去裝的話,會好難搵啲玩具出來,所以要開始將佢哋啲玩具分類:一個盒全部放車仔,一個箱全部放積木……諸如此類。除咗方便攞之外,亦教導子女點樣將東西分類。

6歲以上>俾小朋友自己執:進入小學階段之後,小朋友可能有自己一間房了。有咗自己嘅空間,可以讓佢自己建立一套收納系統,用佢自己嘅方法去整理玩具、書本等。仔女愈大,玩具種類會愈多,會出現更多大大小小嘅盒。

 

睇片:于之琳老師:兒童玩具間整理收納過程

 

玩具收納大法6大貼士

1)善用標籤,建立分類

玩具膠箱上最好貼上標籤,等大家一睇就知個箱入面係乜嘢。標籤可以買現成嘅,亦可以同小朋友DIY製作,增加樂趣。

2)鼓勵參與,親子合作

歲幾兩歲嘅小朋友,已經可以學習收納。家長喺親自示範收拾之時,可同時邀請小朋友參與。當佢哋做得好,就多加鼓勵,讓佢哋從中得到成就感,自小培養出收納習慣。

3)有入有出,限制數量

小朋友買玩具有太多理由:生日、節日、考完試……搞到佢哋愈積愈多,擁有太多玩具。家長應同子女有協議,對家中玩具數量有個限制。當考慮買入新玩具時,同時要考慮捨棄舊玩具。一啲不合佢哋年紀,或者已經好少玩嘅舊玩具,可以送俾朋友或者捐俾慈善機構;甚至可以放上網賣二手貨,賣得的金錢給小朋友作儲蓄。

4)容許「冷靜期」

收納整理要做得好,難免要有一啲舊物要放棄。當小朋友決定某件玩具「唔要了」,因為佢哋思想未成熟,可能轉個頭又會反悔。所以當要佢哋做決定時,可以不必太急,俾啲「冷靜期」佢考慮清楚。

5)以身作則,身教言教

小朋友嘅好習慣同壞習慣,好多都係由父母身上學來。若父母本身都係注重收納,將家居收拾得整整齊齊,小孩子自然會有樣學樣。當佢感受到收納得法嘅好處,就會自動自覺注意執拾。

6)將收納樂趣化

想小朋友持之以恆咁做收納工夫,絕對不能靠打罵靠威迫,唔可以將收納變成一件令佢哋覺得係痛苦的事。自小以遊戲教導去收納,並加以鼓勵或奬賞,將收納變成一件樂事、一個習慣,自然事半工倍。

 

溫馨提示:如果有啲寶貴玩具,小朋友唔會再玩但又值得珍藏,可以搵Boxful幫手喎!將啲玩具好好儲存喺額外空間,又唔使再霸佔屋企空間。無論你只係需要一個箱嘅額外空間,抑或你需要多個儲物房,Boxful唔同嘅Plan總有一樣啱你用,即刻睇睇啦!

即按了解Boxful服務

——

延伸閱讀:【完美家居】 毛公仔 收納之8大變奏

延伸閱讀:【巴打必讀】模型 Figure 玩具 の保養及收藏貼士

緊貼Boxful BlogFacebook Page,獲取更多家居生活貼士!

更多相關文章