疫情蔓延之下，不論大人小朋友都留多咗喺屋企，出唔到街之餘，仲要千方百計諗嘢做去打發時間……查實，而家係全家人一齊 執屋 嘅最好時機！等Boxful提點大家關於家居物品整理嘅簡單重點，執屋呢件事絕對冇你想像中咁痛苦！
所謂「執屋」，講到底就係「整理家居物品」，而首要任務就係將物品分成「需要」同「不需要」；只要捨棄咗不需要嘅物品，先至可以騰出更多空間去收納真正需要嘅物品。做好呢一點，日常執屋就會變得輕鬆簡單，家居環境自然整潔舒適。
家居物品整理7大重點
1）唔使急，慢慢執
- 首先，唔好貪心以為可以一次過執好晒全間屋，咁樣你執執下就會覺得有排執、好辛苦。最好係輕輕鬆咁，設定每次要執嘅時間同範圍，例如「今日用半個鐘執阿女個衣櫃」，執完就停手，第二日再執，利用啲零碎時間去執，效率同動力都會提升。
- 可以先鎖定單一類物品收拾，如衣物、書籍、小朋友玩具等。只要喺限定空間機械式咁收拾限定物品，就唔會感到工程浩大，可以輕鬆完成。
2）秒速分類
- 將所有物品分成「需要」同「不需要」兩種，並於在5秒內作出判斷。好多時，其實一眼可以決定到要定唔要。如果真係決定唔到，就暫時將該樣物品歸類為「保留區」。
- 遇到家人嘅物品，要由當事人決定要定唔要，避免自作主張而引發不愉快事件（例如主婦丟咗老公或孩子的心愛玩具收藏）。
3）整理保留區
- 暫時歸類保留區嘅物品，始終要處理，而一個有效嘅篩選方法就係「再用一次」。例如係衣物，就不妨試下著多一次出門，好容易就會知道到底件衫仲著唔著到。其他用品都一樣，用多一次你就會發覺點解你已經唔再需要佢。
- 如果仲係決定唔到，就設下一個最後期限，例如再保留半年或一年，到時再決定要或唔要。
4）冇用物品立刻丟棄
- 過期的食品及化妝品要丟棄，千祈唔好唔捨得。因為佢哋已經不適合再用，夾硬留住只會浪費空間。好多人會忽略化妝品、保養品嘅使用期限，一般保養品使用期限係半年到一年，而彩妝品無論開封與否，購買後兩、三年內一定要用完。
- 好多人抱住「整番好就用得」嘅心態，家中堆滿壞咗嘅小家電或唔實用嘅工具。呢啲物品應該馬上攞去修理，如果發現修理好麻煩或成本好貴，倒不如快啲丟棄。
- 處理唔實用嘅物品時，可以趁住佢哋狀態良好時送俾有需要的人，通過「回收再利用」發揮功能，珍惜物資。
5）檢討家中庫存
- 購物膠袋、即棄餐具等，往往因為覺得佢哋會「用得着」自然就愈積愈多。建議只留下有限嘅數量。膠袋、紙袋可以依尺寸大小排列，留下最低數量，方便需要時取用。即棄餐具放置在固定地方，限定數量，要用時亦可隨時找到。
- 好多人會諗住啲物品「放喺度都唔會壞」，就趁減價時買大量清潔劑、保鮮紙等用品，因為冇地方擺而胡亂塞到櫥櫃之中，然後又唔記得屋企仲有又再度重複入貨。所以購入日常用品時，要以「可放入限定空間的限定容量」為原則，維持最低數量。又或者緊守「開一瓶才買一瓶」嘅補貨原則。
6）不堆積紙類物品
- 宣傳信、銀行月結單、信用卡賬單等好容易會愈積愈多，建議將呢類信件放喺小盒子，只留存「個盒放得落的數量」。需要保存嘅信件亦要定期檢查，過期就丟棄。
- 報紙雜誌係好容易囤積嘅紙類。讀到想保留下來的內容，不妨剪下，以剪貼簿收藏。
- 對於愛書人而言，最難丟棄嘅就係書。不過有啲書嘅訊息有限期同時效性（例如旅遊書、購物指南等），一旦過時就冇用。呢類書出版超過3年即可丟棄。
- 整理書櫃時，除了要丟棄唔會再睇嘅書之外，仲可以進一步細分成「常看」、「間中會看」同「不看但想保留」。
7）紀念品收納原則
- 雖然今時今日大部分照片同Video都已經數碼化，存放於記憶體、硬碟甚至雲端，但大家屋企仍然會保存有舊照片以至錄影帶。嗰啲映像記錄無論有幾重要，如果保留得太多而根本唔知放喺邊，其實擁有再多都冇乜用。所以只要保留適當數量便可。例如同一款角度類似嘅照片，只留低影得最好嗰一張就夠了。
- 好多時收到一啲「唔適合自己」嘅禮物，會覺得好難處理，係咪唔應該丟棄呢？其實收禮物係着重對方嘅心意，如果真係唔啱用，而對方日後亦唔會再見到，不如爽手處理咗佢，例如攞去義賣。
- 小朋友嘅畫作亦係一堆充滿就不妨搵Boxful幫你手，用最妥善嘅迷你箱存喺最理想嘅地方，為你家居騰出更多空間！回憶嘅紀念品，同樣好難處理。建議要讓孩子一齊決定去留，由佢哋選出「最想保留」嘅若干幅作品。
執屋執到一堆寶物出來，既唔可以丟棄，但又唔想放喺屋企？不妨搵Boxful幫你手，用最妥善嘅迷你箱存喺最理想嘅地方，為你家居騰出更多空間！
——
延伸閱讀：【文青必讀】 書本收納 5大貼士
延伸閱讀：【儲存攻略】想節省 家居空間 ？應考慮存放入倉的幾類物品
緊貼Boxful Blog同Facebook Page，獲取更多家居生活貼士！
資料來源：《收納全書》（作者：文化出版局（日本））