Blog 首頁 儲存攻略 【迷你倉攻略】使用 迷你倉 時必備的5樣工具

【迷你倉攻略】使用 迷你倉 時必備的5樣工具

Minger
【迷你倉攻略】使用 迷你倉 時必備的5樣工具

租用 迷你倉 喺香港愈來愈普及,因為土地問題、樓價問題、租金問題等,許多港人要無奈接受愈來愈細小嘅居住空間,於是亦連帶有更多人要租用迷你倉去儲存雜物。好多人喺租咗個迷你倉之後,首次搬貨入倉時乜都唔知點做,等Boxful提一提大家使用迷你倉嘅必備工具,等你入倉時有備而戰!

 

1)紙箱/膠箱

大家一講起迷你倉,第一樣嘢必然會諗到紙箱,因為無論搬屋、執嘢大家都會用紙皮箱,咁搬嘢入倉當然都需要用箱啦!如果冇箱,又點樣將你啲雜物入箱,又一箱箱疊起用盡迷你倉嘅有限空間呢?當然另一選擇係紅白藍膠袋,會比較適合放置衣服、被鋪之類,如果係書籍、玩具、相簿等等雜物,始終都係用箱會好啲。

一個建議係,喺迷你倉內儲物,用膠箱會比紙箱更理想。紙箱雖然會較平,但萬一唔好彩迷你倉有漏水、濕水情況,紙箱一濕就內裏物品全濕。膠箱則會有更好保護,疊高時底下的箱亦不會被壓扁。

(相關閱讀:【搬屋收納必用】各式 儲物膠箱 大比併

 

2)手推車

既然決定用得迷你倉,相信你起碼都有十箱八箱、甚至幾十箱雜物吧!要將呢啲一箱箱雜物搬入倉,手推車仔係十分重要嘅工具。或者你會自己駕車將物品送去迷你倉,又或者你會Call客貨Van司機幫手車。前者你當然要自備手推車,將一箱箱嘢由停車處車去迷你倉,否則逐箱逐箱咁搬會十分吃力;而搵客貨Van的話,其實司機係冇義務幫你搬,亦都未必一定有手推車借俾你,最好都係自己有準備。

雖然有啲迷你倉係有手推車可以借用,但變咗你要走多一轉,又或者剛好有人借咗去用你又要唔知等幾耐!所以最好都係自備,一早買定或一早問朋友借定。

 

3)防潮物品

雜物入倉之時,最好順手將一啲防潮劑、吸濕器等,放入你嘅儲物箱內。雖然大部分迷你倉都有冷氣、抽濕設備,但係唔怕一萬至怕萬一,做多一手準備會對你心愛嘅有更多保障。

 

4)箱頭筆/標貼

當你將一箱箱物品放入迷你倉,好應該喺紙箱外用箱頭筆寫一寫:箱內放置嘅係乜嘢物品,方便第時搵番啲物品。如果係用膠箱,就可以用標貼,貼在箱邊方便做記認。

 

5)鎖頭

呢樣嘢好多第一次用迷你嘅人都會忽略!大部分迷你倉都係需要你自備鎖頭,自行鎖上自己個倉門。由於鎖頭鎖匙比較容易遺失,所以一般用密碼鎖會比較方便,其保安程度都相當足夠。

有啲迷你倉嘅管理Counter會有鎖頭出售,萬一你忘記自備,都可以幫襯佢買,不過就肯定會貴過出面,同埋冇乜選擇了。

 

拍照留記錄

最後提示一下,將你嘅物品入咗倉之後,不妨幫自己個倉內部影番幾張相,以作記錄,萬一之後發生乜事,叫做有相為證。

 

係,使用迷你倉要自己搬運入倉,係有好多細節同麻煩嘢。所以Boxful呢類儲存箱服務,就為一啲怕麻煩嘅朋友提供一種貼心服務選擇!由專人上門幫你嘅物品以標準儲存箱收納,所有膠箱由我哋提供之餘,仲幫你送入埋倉,全程你可以足不出戶!第時想攞番啲物品,打個電話或用手機App就可以安排送番上門俾你……呢篇文章提及嘅所有嘢你都唔使理!

即搵Boxful幫手

——

延伸閱讀:【 迷你倉 悲歌】一世人咁多文件,70歲伯伯點處置?

延伸閱讀:【迷你倉租金年年急升】各區 迷你倉價錢 大比併

緊貼Boxful BlogFacebook Page,獲取更多家居生活貼士!

更多相關文章